Moynaq rayoni

Moynaq rayoni respublikada en’ arqadag’i Aral ten’izin jag’alap jaylasqan rayon bolip, tu’slik-batisinda Qon’irat tu’slik shig’isinda Qarao’zek, taxtako’pir rayonlari menen shegaralasip, aymag’i 37.5 min’ km kv.

Xalqi 27.8 min’ adam.
Xalqinin’ ortasha tig’izlig’i 1 km kv jerge 0.7 adamnan tuwra keledi.
Rayon aymag’inin’ u’lkenligi jag’inan Qon’irattan keyin ekinshi orinda turadi.
Rayon aymag’inin’ tek g’ana 1.9% ti awil xojaliq ka’rxanalari ta’repinen paydalaniladi, bul 69 min’ gektarg’a ten’.

Moynaq rayoninin’ barliq tegislik maydani 3450 gektarg’a ten’ bolip, onin’ 16% da’nli eginler, 11% miyweler, 70%in ot-jemleri egiledi.

Moynaq rayoni qon’si ellerde baliqshiliq penen dan’qi ketken rayon.
Aral ten’izi qa’ddinin’ 17 metr to’men tu’siwi baliqshiliqti derlik joqqa shig’ardi.
Baliq awlaw son’g’i jillar keskin kemeyip ketti.
Misali 1960-jili 23 min’ tonna baliq awlang’an bolsa, 1995-jili 2.1 min’ tonna baliq awlandi, yag’niy derlik 11 ese kemeygen.
Ha’zirgi waqitta baliq ten’izden emes, al suwlandirilg’am ko’llerden awlanbaqta.

Moynaq rayoninda 1996-jili 1-yanvarda 12.7 min’ bas qara mal. 3.9 min’ bas jilqi, 5.1 min’ bas qoy-eshki jetkerip berdi.