To'rtko'l rayoni

Tortko’l rayoni A’ muda’ryanin’ on’ jag’asinda jaylasip, onin’ arqa-shig’istag’i shegarasi Buxara walayati, arqa ha’m arqa-batisi Ellikqala rayoni ha’m Beruniy rayonlari menen shegaralasip keledi.
Xorezm walayati menen ta’biyiy A’miwda’rya arqali shegaralasadi.
Rayonnin’ jer maydani 6.1 min’ km kv, xalqi 141.7 min’ 1km kv jerge xalqinin’ ortasha tig’izlig’i23.2 adamnan tuwra keledi.

Rayonini’ jer beti tegislikten ibarat bolip, Tu’slikten arqag’a barg’an sayin pa’seyedi.
Rayonnin’ shig’is bo’limi Orta Aziyadag’i u’lken sh’listanliq bolg’an Qizilqum arqali o’tedi.
Ten’iz betinen en’ biyik noqati 176 metr bolip, ol to’rtko’l qalasinin’ shig’isinda jaylasqan biyiklik.
Rayon u’lesine Qaraqalpaqstan aymag’inin’ 3.7%, suwg’arilatug’in egislik maydanlardin’ 7.2%, xalq saninin’ 10% tuwra keledi.
Rayon armag’indag’i egislik maydan barliq aymaqtin’ 5.2% in quraydi.

Awil xojalig’inin’ qa’niygelesken tarawi paxtashiliq bolip, onin’ egislik maydani barliq egislik maydaninan 59.8% in quraydi.
Paxtashiliq boyinsha To’rtko’l rayon Respublikadag’i en’ iri paxtashiliq rayonlari qatarina qosiladi, To’rtko’l rayoni ha’r bir gektar jerden zura’a’t aliw boyinsha 1inshi orinda turadi.
Rayon ulesine respublikada jetistirilgen paxtanin’ 13.5% in, pille boyinsha 23% in, go’sh jetistiriw boyinsha 8.9% in, su’t jetkeriw boyinsha 16.6% in, miywe boyinsha 10% in, qaramal bas sani boyinsha 4.2% in qarako’l qoylari bas sani boyinsha 19.6% in quraydi.

To’rtko’l Qaraqalpaqstan respublikasinin’ en’ eski qalalarinan biri bolip, ol 1873-jili du’zilgen.
Ol 1920-jilg’a sheken Petro-Aleksandrovsk ati menen atalip kelgen.
1932-1939-jillarg’a shekem Qaraqalpaqstannin’ paytaxti bolip kelgen.
To’rko’l qalasi A’miwda’ryanin’ da’l shetinde ornatilip oni da’rya degishi oni jilda jemirip kelgenlikten To’rtko’l qalsi 1949-jili 8-km shig’isqa qaray ko’shirilgen.
To’rtko’l qalsi A’miwda’ryanin’ on’ qurg’ag’inda jaylasip, Xorezm walayatinin’ orayi U’rgenish qalasinan 35 km, No’kis qalasinan 170 km qashiqliqta jaylasqan.